408

کورونا ویکیسن تیار ہوگئی، زندگی اگلے سال تک معمول پر آجائے گی

کورونا ویکسین تیار کرنے والی جرمن دوا ساز کمپنی بائیون ٹیک کے ترک نژاد جرمن بانی اور سائنسدان اوغور شاہین نے کہا ہے کہ کورونا ویکیسن تیار ہوگئی اور زندگی اگلے موسمِ سرما تک معمول پر آجائے گی۔

خیال رہے کہ گزشتہ دنوں امریکی دوا ساز ادارے فائزر نے دعویٰ کیا تھا کہ اس کی تیارکی گئی کورونا وائرس کی ویکسین 90 فیصد تک مؤثر ہے۔

کورونا ویکسین فائزر نے جرمن دواساز ادارے بائیون ٹیک کے ساتھ مشترکہ طور پر تیار کی ہے۔

اس حوالے سے کورونا ویکسین تیار کرنے والی جرمن دوا ساز کمپنی بائیون ٹیک کے ترک نژاد جرمن بانی اوغور شاہین نے کہا ہے کہ کورونا ویکیسن تیار ہوگئی اور زندگی اگلے موسمِ سرما تک معمول پر آجائے گی۔

انہوں نے کہاکہ بیماری کے خلاف ویکسین کا مؤثر استعمال 2021 کے موسم گرما سے شروع ہوگا اور ویکسین کے بعد لوگوں کے درمیان وائرس کی منتقلی کا خطرہ کم ہوجائے گا۔

دوسری جانب برطانوی نشریاتی ادارے کی رپورٹ کے مطابق کورونا ویکیسن کے 90 فیصد سے زیادہ ٹرائل کامیاب رہے ہیں، اس ویکسین کو 6 ملکوں میں 43 ہزار افراد پر آزمایا گیا۔

برطانیہ ویکسین کی 3 کروڑ خوراکوں کا آرڈر دے چکا ہے جبکہ اس سال کے آخر تک مزید ایک کروڑ آرڈر متوقع ہیں۔

اس خبر پر اپنی رائے کا اظہار کریں